Uviéu entama trés nueches folk siguíes

La Feria L'Ascensión d'Uviéu nun ye solo un referente pal mundu agrícola. Dende va unos años p'acá la Sociedá de Festeyos d'Uviéu tamién aprovecha la ocasión pa traer bandes de gaites, grupos de baille, y como anguaño, a grupos de folk. Los díes 21, 22 y 23 de mayu na llábana de la estación de la RENFE d'Uviéu va haber dos bandes en conciertu por día, el 21 de mayu "Gatos del Fornu" y "Llan de Cubel", el 22 "Corquiéu" y "Tejedor", y pa finar el domingu 23 "Llangres" y "Xuacu Amieva". Los conciertos van entamar sobre les 19:00 hores p'acabar como a les diez y media de la nueche, y según palabres d'un responsable de SOF d'Uviéu, la intención ye da-y continuidá a esta iniciativa pa futures feries.