Uviéu 0 - Albacete 0

L'Uviéu nun pudo pasar del empate en casa contra l'Albacete, un rival que los de Marigil tienen bien cerca na tabala clasificatoria. El repartu de puntos nun dexa de ser un mal menor, porque los manchegos pudieron marcar de la qu'acababa'l partíu nun tiru de Rubio que dio na madera.El partíu foi más tácticu qu'otra cosa, con munchu toque pero ensin que nengún de los dos equipos pudiera da-y al xuegu varticalidá nenguna. D'esta manera, el públicu acabó por aburrise tola primera parte pa dempués ponese nerviosu na segunda. Ello ye que los de casa salieron apaxaraos tres el descansu, pasando per un momentu de debilidá que bien pudo costa-yos la derrota. Nos minutos finales los dos equipos soltáronse un poco, lo que vaió pa que llegaren les poquísimes oportunidaes de gol qu'hubo en tola tarde. Rubio falló pal Albacete y Santamaría tuvo la meyor oportunidá pal Uviéu, pero'l so remate marchó pa la esquina meyor tapada de la portería del Albacete.

Contador Estadistiques