Unicaja Banco cesa a Manuel Menéndez como conseyeru delegáu

|
Manuel Menéndez Unicaja Banco

El d'Oubanes, procedente de Liberbank y previamente de CaxAstur, va siguir nel cargu hasta'l nomamientu del so sustitutu.

El conseyu d'alministración d'Unicaja Banco decidió por unanimidá'l cese de Manuel Menéndez como conseyeru delegáu. D'esta forma completa la renovación entamada cola sustitución forciada en setiembre de Braulio Medel na presidencia del patronatu de la Fundación Unicaja depués de la polémica vivida en Málaga pol temor a un aumentu de poder de la parte asturiana de la fusión por alcuerdu d'entrambos.

"Esta decisión permite a la entidá entamar darréu la seleición y posterior designación del conseyeru delegáu nuevu y avanzar na definición del so modelu de gobernanza nuevu llueu del periodu transitoriu previstu nos alcuerdos de fusión con Liberbank, S.A., garantizando la estabilidá y plena funcionalidá de la direición hasta'l nomamientu como conseyeru del socesor del Sr. Menéndez", apunten dende Unicaja Banco.

Na imaxe, Menéndez, primeru pela derecha, nuna conferencia celebrada n'ochobre. Semeya propierdá d'Unicaja Banco.

Contador Estadistiques