Unes molesties nel abdome obliguen a Carreño a retirase en Roland Garros

Perdía por 6-2 y 2-0 nel so choque de cuartos de final col favoritu Rafael Nadal.

Foi al final del primer set cuando Pablo Carreño viose obligáu a pidir l'atención d'un fisioterapeuta por un tirón abdominal. El xixonés trató de continuar, pero tres fallar una pelota fácil nel segundu set decidió poner fin a la so trayeutoria nesta edición de Roland Garros, la meyor de la so carrera nun Grand Slam.

Florian Mayer, Taro Daniel, Grigor Dimitrov y Milos Raonic foron los rivales que foi superando'l tenista formáu nel Grupo Covadonga, destacando sobre manera'l duelu col canadiense n'octavos de final. Carreño consiguió superar al cabeza de serie númberu 5 del tornéu parisín nun partíu espectacular que s'allargó hasta los cinco sets: 6-4, 6-7 (2-7), 7-6 (8-6), 4-6 y 6-8 en 4 hores y 17 minutos de xuegu.