Una delegación de la Xunta de Toponimia del Principado de Asturias visitó’l Conceyu de Carreño

Una delegación de la Xunta de Toponimia del Principáu d'Asturies visitó oficialmente esti vienres el Conceyu de Carreño, ún de los dos (xunta Gozón) nos que funciona la Oficina de Normalización del Cabu Peñes.

La delegación, formada pol Xefe de la Oficina de Política Llingüística del Principáu, Ramón d'Andrés y el filólogu Fernando Álvarez-Balbuena García abordó col Alcalde, Ángel Riego, dellos aspectos sobre l'espediente toponímicu de Carreño, que a primeros del mes de Septiembre-y remitió la Xunta al Conceyu y afalar a la entidá local a que formule les observaciones pertinentes col fin de buscar el máximu consenso nel espediente definitivu.

La visita oficial de la Xunta de Toponimia, coincide cola puesta en marcha del Serviciu de Normalización Llingüística de la Mancomunidá del Cabu Peñes, serviciu qu'echó a andar esta selmana baxo la responsabilidá de Loi Antuña, quien se fizo cargu de la Oficina al renunciar voluntariamente por tener otros compromisos llaborales incompatibles el que de mano diba ser titular de la mesma, Xurde González