Una alternativa poco trabayada

Entama güei en Nuremberg (Alemaña) Biofach, la feria de l'agricultura y l'alimentación ecolóxico y natural. Lloñe de ser un eventu de reivindicación ecoloxista, Biofach ye una feria que mueve bien de perres dientro d'esta estaya de l'agricultura qu'equí ta ensin desarrollar y que tien n'Alemaña'l so mercáu más grande d'Europa.Asturies va a esta feria con una representación simbólica. Namás un puestu del Principáu y otru d'una empresa del conceyu Siero van tar per Asturies nun salón con miles d'espositores y nel que los más de los stands del estáu español son de andalucía y la costa mediterránia, llugares onde hai bien de negocios d'agricultura ecolóxico que saquen los más de los sos ingresos de la esportación a otros estaos d'Europa.N'Asturies anguaño nun hai namás que 86 hectaries y 42 esplotaciones dedicaes a esta clase de cultivu, cosa que nun dexa de ser chocante cuando esiste un Conseyu Regulador de la Producción Ecolóxico d'Asturies y cuando dende Mediu Rural nun cansen de dicir qu'Asturies ye un llugar mui afayadizu pa desarrollar esta clase d'agricultura.

Contador Estadistiques