Un veranu chiscáu de galipote

L'institutu vascu AZTI, que lleva faciendo'l seguimientu científicu de la marea negro del Prestige pal Gobiernu Vascu, ta acabante d'espublizar un estudiu en que prende tolos pilotos d'alarma sobre la gravedá de la marea negro. Azti diz que, dende febreru pa contra'l veranu yá se lleva pañao nel Cantábricu más galipote que lo qu'apaeció a lo primero d'afundir el barcu, colo que concluyen que la situación ye grave porque ello demuestra que'l volume de la marea prieto foi mayor de lo que se contaba. Azti echa sobre unes 45.000 tonelaes de galipote'l volume total de la marea y calcula qu'hai una cantidá de sobre unes 5.000 tonelaes de galipote ensin recoyer solo nel cantábricu. AZTI diz que'l nordés d'estos meses de veranu ye fácil que vaya echando cada poco aportes nuevos de fuel, colo que'l veranu enteru va quedar chiscáu de galipote.