Un fondu d’inversión quier mercar un centru comercial n´Asturies

Según dellos comentarios apaecíos nel portal propertyweb.com, el fondu d'inversiones holandés Redevco tien bien d´interés en mercar un centru comercial asitiáu n´Asturies. Les mesmes fontes qu'identifiquen a Redevco como'l qu'anda tres de la inversión afirmen que les negociaciones tan avanzaes y que´l pieslle de la operación nun ta lloñe. De toles formes nun dexa de ser un rumor, y polo tanto ye una anuncia ensin confirmar. Otra cosa ye conocer que centru comercial ye'l que-y interesa al fondu holandés, en cuantes qu'Asturies ye´l paraísu de les grandes superficies.



Redevco ye un fondu d´inversión holandés que xestiona una cartera europea penriba les 800 propiedaes inmobiliaries espardíes per más de 13 países. Ún de los oxetivos estratéxicos d´esti fondu ye invertir en centros comerciales dientro de les grandes ciudaes.