Un blogueru estauxunidense de 10 años deprende a facer fabada na rede n’asturianu y inglés

|

El so nome ye Chef Rafi y, con namái 10 años, da a conocer el so bon facer na cocina en YouTube al traviés de la canal Kid Chef. Nél ellabora platos del mundu n’inglés tornaos a la llingua del llugar, dedicando a la fabada ún de los sos últimos vídeos.

Cola ayuda del so padre, siempre pide a persones u organizaciones de cada país pa que collaboren con él cola torna de los mesmos. Asina, les sos dos últimes creaciones tán dedicaes a un platu malayu y otru asturianu, l’okran belacan y la fabada, de manera respeutiva.

Nel casu asturianu, gracies al sofitu d’Iniciativa pol Asturianu, Chef Rafi esplica la manera d’ellaborar el nuesu platu más conocíu fuera de les nueses llendes al tiempu que detalla a los sos siguidores onde ta asitiáu’l nuesu país y esplica dellos refranes en llingua asturiana. D’esta forma, l’asturianu súmase a otros territorios y idiomes del mundo como’l navayu, el luxemburgués, el napolitanu, el portugués, el hawaianu, l’irlandés, el catalán, el vascu, el galés, el croata o’l waray waray, col que debutó hai dos años al ser la so güela orixinaria de Filipines.

Contador Estadistiques