Un asturianu mandaba a los siete axentes españoles muertos n'Iraq

Anteayeri, los asturianos esconsoñábemos cola noticia: Alberto Martínez, el comandante de los siete espíes españoles muertos en Bagdad pola resistencia iraquina, yera asturianu, de paravia por más señes. De nun ser pola traxedia de los siete miembros del serviciu secretu n'Irak nunca nun enteraremos de qu'un asturianu taba al mandu d'un grupu d'axentes del CNI (antiguu CESID) n'Iraq, pero'l fechu de que ún de los asesinaos fuere del país resucitó'l debate n'Asturies sobre la presencia militar española na ocupación d'Iraq con más fuercia que nunca, y hasta'l mesmu Presidente asturianu Álvarez Areces quixo ayeri sumase al debate pidiendo la retirada dafechu de tola presencia militar española nel país del Golfu Pérsicu. Nunes declaraciones nes que tresmitió'l pésame a la familia del comandante, Areces dixo que les muertes de los axentes tienen de llevar a una reflexón al Gobiernu d'España sobre la so presencia n'Iraq y pidió que se retire la tropa énte ún conflictu nel que "va haber más muertes" en cuantes que ye "una guerra que nun tien igua"
. En Conceyu Abiertu estrenamos entruga ¿Tendría de retirase'l continxente español de la ocupación d'Iraq?