Trunfu de los nacionalistes en Serbia

Depués de trés convocatories anulaes por falta de participación, la última'l 16 de payares, Serbia celebró ayeri la elección definitiva de nuevu gobiernu, segunda tres de la cayida de Milosevic. Contra la falta de representatividá de pasaes convocatories, la escoyeta d'ayeri rexistró una participación mui alta y certifico'l trunfu nes urnes del Partíu Radical Serbiu de Voyislav Seselx, deteníui y acusáu de crimes de guerra pol Tribunal Internacional de l'Haya. la formación de Seselx tien el 27,5% de los votos, pero los otros trés partíos fuertes que se presentaben a les elecciones, encabezaos pol Partíu Democráticu Serbiu tienen el 41% de los sufraxos, y va ser fácil que s'amiesten pa torgar la entrada de los nacionalistes al gobiernu. L'ex-presidente de Yugoslavia, Slobodan Milosevic, que tamién ta presu pol Tribunal de l'Haya, consiguió acta de diputáu.