Tres meses d'ataque a Afganistán

Cuando va pa cuatro meses de los ataques a Nueva York y Washington, que-yos valieron a los EEUU d'escusa pa entamar la guerra contra l'Afganistán, apaez un datu macabru: yá van más muertos civiles n'Afganistán que los qu'hubo'l 11-S. Dizlo esti especial de la revista independiente Cursor. L'informe de Cursor refuga la tesis oficial de que los talibanes emplegaren escudos humanos, y diz que los americanos enfotáronse n'atacar oxetivos civiles y llugares poblaos, amás de cometer erros inexplicables, como tira-yos bombes a camiones enllenos de refuxaos. L'ataque a la sé de la televisión Al-Jazeera en Kabul tamién foi otru d'esos erros inesplicables, anque viendo la importancia de los media na guerra nun ye d'estrañar que fore un oxetivu militar.La noticia sal xusto güei, cuando cumplen tres meses de qu'entamó l'ataque a Afganistán y mientres l'exercitu americanu sigue tirando bombes en desiertu a la caza del Mullah Omar y Bin Laden. El diariu inglés The Independent dedica esti especial a la tema.

Contador Estadistiques