Trema Google

El buscador más potente de la rede ta en crisis. Google nació como un proyectu d'investigación en 1999 na Universidá de Stanford y, en menos d'un añu, convirtiose nel motor de búsqueda de referencia pa internautes de tol mundu, pero sigue ensin ser un negociu rentable, como esplica esti artículu nel New York Times.Sicasí, el problema más importante pa Google, puede tar na competencia que ta saliéndo-y. L'enemigu de Google llámase Teoma, y, anque de momentu nun llega al númberu de documentos indexaos por Google, sí que da más opociones al internauta, como el poder clasificar los resultaos en función a les veces que salen referenciaos dende otres páxines o el dar conseyos pa la búsqueda. El resultáu ye que, según declaren los sos dueños, Teoma da rempuestes más axustaes a lo qu'entruga l'internauta, esbillando más ente la so base de datos en cuenta d'ofrecer resultaos en cantidá. Teoma (que significa "espertu" en gaélico) ye un proyectu universitariu, esta vez de la Rutgers University, pero ta acabante de recibir una inyección de perres pa desarrollase como una alternativa real a Google.

Contador Estadistiques