TPA rexistró una cuota de pantalla del 6,8 por cientu na emisión del alderique eleutoral

|
Emisión TPA alderique eleutoral 28-M

Un total de 19.000 espectadores siguieron les intervenciones de los siete candidatos.

L'alderique eleutoral emitíu ayeri a les 22.30 hores en direuto algamó una cuota de pantalla del 6,8 por cientu, daqué superior a la media de la canal, que n'abril foi del 6,5 por cientu según los datos de Barlovento Comunicación. El puntu más altu diose a les 22.53 hores, cuando algamó'l 11,8 por cientu.

Nesi momentu había 43.000 espectadores frente a la televisión siguiendo l'espaciu. La media nes cuasi dos hores y media d'emisión foi de 19.000.

Mentes, rexistró 78.000 contautos, una aportación al total de la canal del 20,5 por cientu y una fidelidá del 24,6 por cientu. 

Cuarta canal más vista

TPA convirtióse na cuarta canal más vista mientres la emisión del debate, namái superada por Antena 3 (13,9 por cientu), Telecinco (12,6) y laSexta (8,8), mentes que La1 quedó per debaxo, con un 4,7 por cientu.

Contador Estadistiques