Thierry y Mundo, campeones d'Asturies de bolos

Na bolera municipal de Llugones disputose esti fin de selmana la final del Campeonatu d'Asturies por pareyes. Los ganadores foron Thierry y Mundo, de la peña Blimea, que-yos quitaron el títuli na final a Javier Pruneda y Angel Prado, de la peña naveta El Titi, por 14-9. Los de Nava salieron fuertes, pero Thierry y Mundo consiguieron al descansu una primer ventaya de 7-6, qu'acabó nun tantéu final de 14 xuegos a 9. Mientres, nel campeonatu d'Asturies de Peñes de primer categoría, la peña Ensidesa, que llevó ventaya tol tiempu, acabó sofriendo pa ganar a L'Arenal por 14-12.