Terrassa 2 - Uviéu 2

Nun hubo milagru carbayón en tierra catalano, anque los asturianos supieron llevar más peligru qu'otres veces y raspiaron la xesta. Tres d'un primer tiempu d'alternatives pero en que negún delanteru foi a concretar les oportunidaes que se dieron, tuvieron de ser los de casa los que s'adelantaren por mediación de Babangida. Col Terrassa xugando los meyores minutos, los azules remontaron el primer tantu gracies a una xugada de Fran, que rebotó'l balón nun futbolista del Terrassa. El gol na propia chafó a los locales, que xugaron aturullao y dexaron facer al Uviéu, que s'adelantó gracies a Sarasúa. Tres el segundu gol azul, volvió l'orde al bandu catalán, qu'acorripió al Uviéu nel so campu hasta conseguir l'empate a cuatro minutos del final. El resultáu nun ye buenu pal Uviéu, que tien agora la plaza de salvación a tiru d'ocho puntos.