Tensión n'oriente

L'exércitu israelín mató esta mañana al xeque Ahmed Yassin, xefe espiritual del grupu armáu palestín Hamas. Ahmed Yassin diba en coche camín de la mezquita de Gaza p'asistir al primer rezu de la mañana cuando los militares israelinos dispararon trés misiles nel automóvil, matando al xeque y otres ocho persones. La organización Hamás reaccionó bien ceo y acusó a Ariel Sharon d'abrir "la puerte del infiernu" amenazando con facer cientos de muertos israelinos pa vengar la muerte de Yassin, anque la operación militar d'Israel tien tamién un aquello de venganza polos atentaos d'Hamas de la otra selmana. Israel mandó trancar darréu les entraes a Gaza y Cisxordania. Según los reporteros asitiaos en Gaza, la situación ye crítica, y la cai ta estrada de xente con pistoles mientres se prepara l'intierru del xeque
Más información nel diariu israelín Haaretz y nel Jerusalem Post