Telecable quier llegar a Mieres pal veranu

La empresa titular de la instalación de la rede de cable de freba óptico n'Asturies dio anuncia la otra selmana de que d'equí a la vuelta de tres meses cuenta con meter el cable pela cuenca del Caudal, colo qu'entamaría la llegada de la banda ancha a les cuenques, onde de momentu namás hai una terminal en polígonu de Valnalón en Llangréu. La intención de Telecable ye tirar el cable dende l'enllace de l'autovía minera, y poder da-y serviciu nos dos primeros años al 20% de la población. La inversión anunciada ye de 16 millones d'euros nun programa de diez años pa cablear la cuenca'l Caudal

Ello ye que l'alxudicataria de la rede de cable tendría que tener yá tirada dende va un añu la infraestructura básica nos conceyos de les cuenques, que yá-y pidieron a Telecable que metiere priesa a últimos del 2001 énte un retrasu inxustificau que venía col agravante de que la filial d'Hidroeléctrica que preside Roberto Paraja tenía concedíes amás importantes subvenciones, que llegaben a los 1.000 millones de pesetes, con cargu a los fondos mineros pa tirar la rede.