Tejedor y Chus Pedro en Glasgow

El gaiteru Jose Manuel Tejedor y el cantante asturianu Chus Pedro van participar na edición d'esti añu del Celtic Connections.

L'actuación del gaiteru va ser nel conciertu inaugural del "Festival Celtic Connections" que va celebrase na ciudá escocesa de Glasgow dende'l 14 de xineru. Na so actuación, Jose Manuel va interpretar dellos cantares de composición propia incluyíos nel últimu discu de "Tejedor", "Llunáticos". La representación asturiana nel viaxe hasta Escocia va completala'l cantante de Nuberu, Chus Pedro, que ta acabante de sacar disc en solitario. El Celtic Connections ye la primer gran cita del añu nel mundu de la música celta, y nelli axúntense artistes de renome como Soig Siberil, Michael McGoldrick, Karan Casey o Karen Matheson.