"Tamos mui contentos de recibir esti premiu"

Como yá diéremos anuncia va unos díes, el cantar
"Sangre d'ochobre" de "Skanda" llevó premiu d'al
Meyor Cantar n'Asturianu que daba esti diariu. Los votos de llectores
d'Asturies.com dieron el primer puestu a "Sangre d'ochobre" penriba
de "Nun
mos dexen" de Tarañu y "Xedré" de Pedru
Pereira. Dempués de recibir la noticia Marco Antonio
Castañón, el gaiteru del grupu, comentó que "tamos
mui contentos de recibir esti premiu, y queremos dar les gracies a toes
aquelles persones que nos votaron". De la mesma manera Marco
tamién quixo apuntar que "allegrámonos muncho de qu'haya
páxines como Asturies.com que tengan iniciatives como
estes".



No que cinca a la so nominación na categoría de meyor
cantar n'asturianu nos
premios qu'entama
la SGAE, Marco declaró que "como ye normal tamos contentos
tamién, anque tovía nun recibimos nenguna comunicación de
la SGAE anunciándonos la nominación, ye más,de que tabemos
nominaos enterámonos por Asturies.com y consultando depués
la web de los Premios de la Música".



Nesti añu de premios la banda nun va andar folgada y a los músicos de Skanda espera-yos
un branu bastante viaxeru, "pal branu tenemos prevista una xira per
Italia amás de dellos conciertos per España como en Segovia,
Palencia o Bilbao, y por supuestu vamos tener tamién unos cuantos
conciertos per Asturies ".



Dende Asturies.com namás nos queda volver a felicitar a
"Skanda" pol premiu, y agradecé-yos
especialmente a los nuesos llectores la so participación, ensin la qu'esti Premiu al meyor cantar n'Asturianu
d'Asturies.com
nun sedría posible