Taller en Xixón sobre panderu tradicional

La Fundación Municipal de Cultura de Xixón y el Muséu de la Gaita celebren esti fin de selmana un nuevu seminariu sobre música tradicional asturiana, serie de convocatories que periódicamente alleguen hasta Xixón a especialistes en distintos instrumentos y disciplines. El que se fai esti fin de selmana, díes 6 y 7 de marzu, va ser yá'l númberu 33 d'esta serie de talleres y va dedicase al panderu baxo'l títulu "Pandero: toques en la montaña asturleonesa" El profesor va ser Gabriel Francisco González Villalba, investigador y divulgador de la música tradicional lleonesa y que pon clase de percusión tradicional na Escuela de Música, Dances escéniques y tradición del Ayuntamientu de Llión. Dientro de les actividaes del taller inclúyese un conciertu didácticu abiertu al públicu xeneral. La cita ye'l sábadu 6 de marzu, a les 20:00 hores, nel Salón d'Actos del Centru de Cultura Antiguu Institutu.