Suspendía la edición d'anguaño de Santu Adrianu

El Mercáu Astur y Xuntanza Astur de selmana santa de Santu Adrianu nun van facese esta selmana santa.

Según pudimos saber n'Asturies.com puestos en contactu con responsables de l'Asociación Cultural Xardón , qu'organizaba d'unos años p'acá'l Mercáu y la Xuntanza Astur nel conceyu de Santu Adrianu, anguaño nun va haber nenguna de les dos actividaes. La razón ye que l'Asociación nun pue asumir toles esixencies que-y plantega la llei nueva d'espectáculos, que manda una riestra de responsabilidaes y midíes de seguranza que pasen con muncho la capacidá económico y alministrativo d'una asociación cultural . Pa superar estos problemes Xardón intentó llegar a un alcuerdu col Conceyu, pero a la fin ello nun foi posible. D'esta forma, dexen de facese dos actividaes culturales y económiques qu'axuntaben nel conceyu a miles de persones pa disfrutar del Mercáu Astur, los díes del xueves y vienres santu, y de la nueche folk de la Xuntanza Astur el sábadu.