Sporting 3 - Algeciras 2

El Sporting tuvo la suerte que-y faltó bien de veces pa tornar un empate que de poco-y valía a un equipu faltu de puntos. Dos penaltis duldosos convertíos pol croata Bilic y un gol de chiripa nel últimu momentu diéron-y el trunfu a un equipu que, de otra manera, sigue demostrando que xuega curioso y ordenao pero qu'anda faltu de remate y que tien una defensa mui poco trabayada, como se conoz en cuantes que los dos goles del Algeciras foren de cabeza. El tercer gol del Sporting llegó nel últimu momentu, cuando'l porteru del Algeciras falló al pasa-y el balón a un compañeru, erru qu'aprovechó Miguel pa echar el balón a gol. Con too y con ello, el buen segundu tiempu que xugaron los de Marcelino, con paredes y xugades de llibru, fizo merecer un bon resultáu