Sporting 2 - Almería 2

Nel partíu del exiliu que l'equipu de la eria'l Piles tuvó que xugar nel Amilibia de Llión pol pieslle del Molinón, el Sporting dexose empatar con dos erros bobos que torgaron un trunfu que bien pudo ser el de la tranquilidá. Más de 10.000 aficionaos d'Asturies foron a sofitar al equipu, pero los de Maceda nun meyoraron como s'esperaba, y en cuenta de facer enmienda, el Sporting demostró otra vegada lo muncho que depende de Villa, autor de los dos goles asturianos y que lleva venti dianes esta campaña. De nun ser por elli, el Sporting bien podía tar agora compartiendo desgracies col Uviéu, porque lo que ye la defensa playa nun da una, y n'ataque nun hai más referencia qu'elli.