Sporting 1 - Numancia 2

Col mesmu equipu qu'afusiló la selmana por 4-0 al Badajoz, el Sporting trabucose énte'l Numancia, contra'l que nun foi quien a xugar suelto. Los sorianos, que vienen apretando d'unes selmanes p'acá, amarraron en corto al Sporting, que tiró pela borda nel primer tiempu toa opción d'enmienda. Tres d'adelantase'l Numancia, Villa metió al Sporting en partíu al convertir un penalty, pero los visitantes marcaron el definitivu poco enantes del descansu. Maceda fizo cambeos pa la segunda parte, pero los numantinos cortaron con faltes durísimes tolos intentos del Sporting, acabando con 9. Foi entós que dende'l públicu tirose un oxetu al campu que los xugadores del Numancia garraron como preba d'agresión. Dellos futbolistes del Sporting foron a quita-yos l'oxetu, entamando una tangana na qu'intervino hasta dalgún aficionáu. El partíu tuvo paráu más d'un cuartu d'hora a cuenta d'esti espectáculu tristísimu que pue llevar al pieslle del Molinón por primer vegada en cásique 100 años d'historia.