Sporting 1 - Eibar 0

Un gol de Miguel a la media hora d'entamar el partíu foi abondo pa que'l Sporting resolviere la papeleta énte un Eibar que, lloñe del equipu duru y difícil d'otros años, ye agora un conxuntu que va al atque y mueve'l balón. El xuegu foi abiertu dende'l pitíu del árbitrio, y los dos equipos tuvieron ocasiones, la más clara del Sporting con Bilic y la del Eibar con Brit. Entós llegó'l gol del Sporting, obra de Miguel, que remachó de cabeza un centru de David Bauzá. D'entós hasta'l final el partíu perdió mecha, col Sporting amarrando en curtio al equipu vascu. Lo más importante, aparte del resultáu, que dexa al Sporting a 2 puntos del ascensu, foi el debú del xuvenil Jeffrey, que salió al pinchar Chus Bravo y la espulsión del entrenador asturianu Marcelino García, que vio la encarnada de Paradas Romero por protestá-y una falta sobre Juan que l'árbitrio, mui criticáu, nun pitó.