Sigue la polémica polos coches de la Xunta Xeneral

La polémica pola alquisición de cuatro coches de gama alta por parte de la Xunta Xeneral del Principáu ta resquemando a munchos niveles. El Bloque por Asturies quixo desmarcase de la posición inicial sobre esti asuntu d'Izquierda Xunida, los sos socios políticos y compañeros en gobiernu. Pal BPA, los 4 Volkswagen Phaeton de la polémica son "un gastu innecesariu" y entiende que na "llaceriante situación socioeconómica qu'atraviesa Asturies" esti gastu ye inxustificable. El BPA diz que nun cuenta con arrepentimientu de los diputaos del PP pol marafundiu, pero esixe-yos a los representantes de PSOE y d'Izquierda Xunida una necesaria rectificación y un pasu atrás pola compra d'estos coches, que costaron caún 72.000 euros.