Sigue la negociación

Les negociaciones ente PSOE y Izquierda Xunida-Bloque por Asturies entraron esta selmana nuna nueva fase en que se notó una mayor predisposición al diálogu, al dicir de Rafael Palacios, representante d'IX-BPA na mesa de negociaciones. Anque nun se quier dicir qué partes de los progranmes son les que suponen mayor pilancu na negociación y anque se diz que l'alcuerdu sigue siendo difícil, tamién se diz que tres de la constitución de la Xunta d'esti domingu y la confirmación del pactu a nivel de conceyos, anque dos conceyos rompieren la disciplina, hai una mayor predisposición a la negociación, dándose undiálogu más aposentáu y tratándose les diferiencies más a fondo.

Tres l'escándalu na comunidá de Madrid, onde dos diputaos del PSOE rompieron l'alcuerdu previu ente los dos partíos, la negociación IX-PSOE n'Asturies tien una mayor trescendencia en cuantes que la nuestra va ser la única comunidá del estáu onde la teórica alianza IX-PSOE pueda cuayar en daqué alcuerdu concretu, colo que lo que pueda pasar n'Asturies va convertise en referencia pa d'equí a la vuelta d'un añu, en que va haber elecciones al parlamentu y senáu españoles.