Sesta edición del Alcuentru de Bandurrieros en Caliao

L'Asociación de Folclore Tradicional La Quintana de Xixón entama esti fin de selmana la sesta edición del Alcuentru de Bandurrieros en Caliao, conceyu de Casu.

L'actividá va ser esti sábadu 31 nel salón de les escueles de Caliao, a les 18:00 hores van actuar el bandurrieru asturianu Daniel García de la Cuesta y el cántabru Cesar Higuera. Amás la organización del Alcuentru afala a toos aquellos aficionaos a esti instrumentu a que suban al escenariu y participen d'estos alcuentros.

Aparte del conciertu tamién va istalase una esposición sobre la bandurria, onde vamos poder descubrir la historia del instrumentu asina como ver modelos de bandurries feches por distintos artesanos. Si queréis conocer dalgo sobre esti desconocíu instrumentu de la tradición musical asturiana, equí podéis ver un testu sobre la bandurria del músicu y investigador Daniel García de la Cuesta.