Sentencia contra'l ruíu

Esta selmana, una sentencia del Tribunal Constitucional remató un procesu xudicial qu'entamó en 1.999, cuando una vecina del barriu de Cimavilla en Xixón denunció al dueñu d'un chigre pol ruíu qu'emitía los fines de selmana. La sentencia, qu'obliga al empresariu a pagar una indemnización de 300 euros, ye la primera que califica'l ruíu atentáu contra los derechos fundamentales, tien un aquello d'histórica, y hasta'l mesmu empresariu hosteleru contra'l que s'empobina la sentencia reconoció que ye cierto que'l ruíu ye una molestia, anque llamó l'atención sobre otres munches actividaes industriales que meten ruíu y contra les que naide nun carga.

La sentencia celébrenla dende la Coordinadora Ecoloxista d'Asturies, que quixo manifestar que la sentencia "reconoz lo evidente". Los ecoloxistes alvierten que'l ruíu ye causa de bien de daños al sistema nerviosu, que tracamundien les hores de suañu y alteriando l'equilibriu ñerviosu, causando estrés, depresión, ansiedá y problemes de falta de concentración. La Coordinadora entiende qu'esta sentencia asitia un precedente xudicial claru, y que d'agora en p'alantre los coneyos yá nun tienen escusa pa siguir incumpliendo una normativa llegal que yá esiste, nos más de los casos en forma d'ordenances municipales, pero que nun se fai por cumplir con ella.

Como respondiendo a los ecoloxistes, l'alcaldesa de Xixón dixo qu'anque se congraciaba de la sentencia, ello nun quier dicir que vaya ser la "panacea" porque la falta de medios va impidir que les alministraciones puedan facer les mediciones precises. L'alcaldesa remachó la esplicación sobre la dificultá de desaniciar el ruíu y lo aceptáu que ta con un casu prácticu sobre la cultura del decibeliu "nesti país namás hai que ver el ruíu que mete la xente cuando come