Samartín del Rei Aurelio entama una marcha cicloturista nel Día Mundial de la Bicicleta

Va salir de L'Entregu en direición a Blimea y va contar cola participación del alcalde.

L'actividá ye una iniciativa del módulu d'actividaes deportives de la Escuela Taller Santa Bárbola, de Fucomi, en collaboración coles conceyalíes de Mocedá y Deportes, y tien como oxetivu fomentar l'usu de la bicicleta ente la población. La marcha va salir mañana del parque de La Llaguna a les 11 hores con direición a Blimea al traviés del carril bici hasta llegar al parque d'El Florán, onde van entamase actividaes y xuegos, amás de retomar fuercies enantes de tornar a L'Entregu.

Escueles del conceyu van participar nesta iniciativa na que yá confirmaron la so asistencia l'alcalde, Enrique Fernández Rodríguez, nel tramu hasta llegar a Sotrondio, y Cintia Ordóñez y Honorino Montes, ediles de Mocedá y Deportes, de manera respeutiva. Tola xente interesao en facer esta marcha cicloturista abierta a tolos públicos pue apuntase nel teléfonu 985.65.40.67 o nel puntu de salida dende les 10 hores de mañana.

El total de la ruta a percorrer ye de 9 quilómetros y con ella festéxase'l Día Mundial de la Bicicleta (19 d'abril).