Salú pasa a comunicar los datos de la pandemia de manera selmanal

|
Vacunación COVID-19

La media diaria de positivos asitióse en 13 nel periodu del 4 al 10 d'ochobre.

A partir d'agora, como yá s'avanzara na rueda de prensa del vienres sobre'l fin de les restricciones contra la COVID-19, la Conseyería de Salú va informar de los datos de la pandemia de manera selmanal. En concreto, va dar los miércoles los que correspuendan a la selmana anterior.

No que respeuta a la última comunicó 89 casos nuevos depués de qu'hubiera 26 el vienres, 14 el sábadu y 13 el domingu. Son 13 diarios de media, dalgo superior a hai dos selmanes, cuando se rexistraron 11.

Dende qu'Asturies.com entamó a contabilizar esti datu, a lo último d'agostu del añu pasáu, evolucionó de la manera siguiente: 39, 46, 52, 83, 92, 92, 150, 210, 272, 334, 408, 508, 344, 252, 194, 125, 101, 78, 101, 167, 292, 421, 482, 383, 226, 154, 135, 144, 113, 113, 119, 115, 121, 126, 115, 84, 52, 49, 53, 51, 50, 55, 51, 57, 196, 448, 493, 423, 289, 194, 133, 77, 60, 42, 20, 12, 13 y 11, hasta los 13 actuales.

Aumenta la hospitalización

Anque les cifres de la pandemia caltiénense estables esti ochobre, la hospitalización aumentó de manera leve. Hai 32 ingresaos, 25 en planta con confirmación o sospecha de COVID-19 y 7 en UCI, esto ye, 12 y 1 más que'l xueves, de manera respeutiva.

Hai que llamentar esta fin de selmana la muerte d'una persona, el sábadu. Supón la númberu 2.072 del andanciu, yá qu'a la serie incorporóse un fináu non contabilizáu'l xueves.

La tasa de positividá diaria a 7 díes yera'l domingu del 1,01 por cientu, cuando na actualización última yera del 0,64 por cientu.

4 biltos activos

Asturies informó al Ministeriu de Sanidá de la esistencia de 4 biltos activos nel periodu del 4 al 10 d'ochobre, con un total de 58 casos. Son 2 brotos menos que la selmana pasada, cuando se comunicaron 6, y 1 detectóse estos díes.

 

Contador Estadistiques