Salamanca 0 - Sporting 2

El Sporting alegró-yos la tarde a los munchos aficionaos qu'aprovecharon ayeri pa pegar una escursión hasta Salamanca, unaplaza que siempre se-yos diere mal a los asturianos. Los de Marcelino, que lleven tola temporada prometiendo pero ensin llegar a cuayar el xuegu con goles, iguaron el partíu nel primer cuartu d'hora con dos goles dende más de trenta metros que garraron despreveníu al veteranu rebatiador del Salamanca, el rumanu Stelea. Segovia y Dani Borreguero punxeron la distancia definitiva en marcador, y el restu del primer tiempu foi un achuquinar constante del Sporting, que demostró que tien velocidá de sobra pa xugar a la contra y llegar arriba. Stelea tuvo ocasiones de sobra pa enmendar los dos goles, mientres que'l croata Mate Bilic falló lo que pudo ser un clarísimu 0-3. Nel segundu tiempu Marcelino mandó recoyer los trastos y el Sporting conformóse con aguantar atrás a un Salamanca que tampoco nun atacó en condiciones, quedando pa la semeya un centru axustáu a la escuadra que Roberto echó fuera coles dos manes.

La visita del Sporting emporcáronla un grpu d'ultres qu'armaron una escorribanda na grada y contra los que tuvo que cargar la policía. El Director de Deportes del principáu Daniel Gutiérrez Granda, llamentó esta mañana estos socesos y los muncho más graves de Ganzabal, echando pa contra los equipos qu'atechen y sofiten a grupos ultres.