Sal a información público la estación d'esquí ayerana

El Parque de "Fuentes de Invierno" la macroestación d'essquí que'l Gobiernu asturianu quier poner na parte asturiana de San Isidro, yá echó a andar. El Bopa d'esta mañana espubliza la nota informativa de la salida a información público d'esti parque, un de los proyectos estrella que quier facer el Principáu con cargu a los fondos mineros esti añu, como esplicó la conseyera de cultura Ana Rosa Migoya cuando presentó los presupuestos del so departamentu pal 2.004

El proyectu, que se cuenta con que tea funcionando nel añu 2005, supón una inversión penriba los 42 millones d´euros, cerca de 7.000 millones de pesetes, y va poner siete pistes con un total de venti kilómetros esquiables xunta un potente sistema d´innivación artificial y aparcaderu pa 1.350 turismos y 40 autocares, amás d'un plan urbanísticu arreyáu a la estación, que va llevar al llugar un residencial con xalés individuales y adosaos y bloques d´apartamentos.