Ruma Barbero ganó'l concursu de cómic de la Comarca de la Sidra

El dibuxante de cómics Rumaldo Barbero recibió la otra selmana'l primer premiu nel I Concursu de Cómic n'asturianu de la Comarca de la Sidra, certame al que se presentaron un total de 25 trabayos, bien d'ellos d'autores de fuera d'Asturies. El cómic de Barbero, entituláu "marcianaes" sigui la llinia que tamos fechos a ver nos trabayos del responsable de "Los aguarones" con bien de referencies a l'actualidá política, social y económica asturiana trataes dende un puntu de vista ácidu y hasta sangrín de la realidá del país. L'autora María Margarita Rodríguez García col cómic 'Siempre Pelayo. Misión imposible' y José Juan González García por 'Aventures n'esi mundu q'enxamás esistió' ganaron los accesits d'esti concursu que premiaba al trabayu ganador con 450 euros y a los accesit con 150.


Conocíu pal públicu por ser ún de los miembros del grupu folk "Felpeyu" Rumaldo Barbero ye tamién ún de los creadores de cómic n'asturianu más importantes de la xeneración qu'entamó a trabayar nos años 90. Autor xunta "Son" de la serie "los aguarones" Ruma ye conocíu pal públicu por ser ún de los componentes del grupu folk "Felpeyu" del que tamién ye parte otru importante dibuxante de cómic n'asturianu, como ye Igor Medio, que se dio a conocer na desapaecía editorial "cactus cómics" col personaxe de "Little Memo" y que llegó al gran públicu al traviés de les tires de la Familia Castañón. Pues descargar equí rl cómic de Ruma Barbero ganador del concursu: Paxina 1 Páxina 2