Rodrigo Cuevas amuesa la cultura asturiana a nivel estatal n'horariu d'audiencia máxima

|
Rodrigo Cuevas 'Lo d'Évole'

Protagonizó'l programa 'Lo de Évole' de laSexta, que se centró no rural y el folclor.

Jordi Évole entrevistó a Rodrigo Cuevas pal so programa d'esti domingu, que se emitió n'horariu d'audiencia máxima (21.30 hores). El comunicador catalán conversó col cantante na so casa de Piloña, conoció les obres del proyeutu de La Benéfica y vivió una nueche de sidra, cantares y bailles asturianos nun chigre.

Lo rural y el folclor centró gran parte del espaciu, onde l'uvieín tamién falo de la so infancia, de masculinidaes, llibertaes, rellaciones con vecinos y mayores y de lo tradicional, ente otros munchos temes. Nun se faló del asturianu, que sí se pudo sentir en delles intervenciones, ente elles la de Xosé Antón Fernández 'Ambás', o na interpretación d'un cachu del yá incónicu tema 'Rambalín'.

Pue ver el programa completu nesti enllaz.

Na imaxe, Évole y Cuevas converses mientres almuercen na cocina del cantante. Captura de laSexta.

Contador Estadistiques