Riestra d'accidentes nel monte

Dos montañeros, ún de Xixón y otru d'Uviéu morrieron ayeri al despenase cuando andaben pel xelu nel Picu Fariñentu, en conceyu L.lena. Esti ye'l segundu accidente mortal nos montes asturianos en menos de 24 hores dempués del fallecimientu d'otru alpinista al despenase dende 200 metros d'altor en Penubina, picu mui allegáu al Fariñentu.

La riestra d'accidentes nos montes nesti inviernu nun apara. La otra selmana la Guardia Civil rescató a un montañeru avilesín nel Macondiu, nel macizu oriental de los Picos d'Europa y el 22 d'avientu acabó tamién con rescate l'aventura d'otru montañeru que se perdió por culpa de la borrina nel picu Vízcares en Piloña, onde tuvo 48 hores hasta qwue fueron a atopalu los servicios de rescate.