Retayos de la manifestación

Tol día de güei, Asturies.com va dir poniendo semeyes de la manifestación pola oficialidá del pasáu sábadu nun especial que valga de testimoniu de la movilización pol asturianu más importante dende les qu'hubo a mediaos de los 90 cuando la reforma l'estatutu. Más de 5.000 persones recorrieron les cais d'Uviéu nuna marcha cívica que se fizo nun momentu abegosu sobremanera pal idioma. Les pleitos contra les normatives municipales al favor del asturianu, la negativa del MEC a poner l'asturianu en currículu educativu y la retirada de llicencia a Radio Sele foron los detonantes de la primer manifestación importante que se fizo n'Asturies nesti 2.002.La Oficialidá, una disposición llegal que tolos colectivos y organizaciones convocantes de la manifestación camienten como'l final lóxicu del procesu abiertu en 1980 cola creación de l'Academia de la Llingua, sigue siendo la conseña del movimientu asturianista venti años dempués.

Contador Estadistiques