Remocicamos Conceyu Abiertu

Conceyu Abiertu, la popular encuesta d'Asturies.com, estrena güei versión nueva. Más dinámica y fecha con vistes a potenciar la interactividá y el diálogu colos nuestros llectores, la versión "2.0" de Conceyu Abiertu inclúi como novedá más importante un tableru alxuntu nel que pue opinase sobre'l tema que se propón na encuesta. Otramiente, el nuevu sistema d'encuestes permite tener más d'un "Conceyu Abiertu" al mesmu tiempu, colo que cada sección d'Asturies.com (deportes, música, llingua, cultura etc) va ufiertar d'agora en p'alantre encuestes específiques. Como midida de seguranza y pa facer más de fiar los resultaos de les encuestes, el nuevu Conceyu Abiertu inclúi un sistema de seguranza que namás dexa votar una vegada a cada usuariu.

Contamos con qu'esti sistema nuevu-yos preste a los nuestros llectores y remembramos tamién que puen unviar les sos suxerencies a la dirección de corréu electrónicu redaccion@asturiactiva.com