Recreativo 1 - Sporting 1

El meyor Sporting que se vier nesti aniciu de temporada marafundió la superioridá de xuegu con una falta de remate cafiante. Pa más aquello, Bilic falló un penalty y darréu Sastre marcó na propia, adelantando a los onubenses, que, d'otra manera, taben desbordaos. El Sporting nun se dio y na segunda parte los de Marcelino salieron a arrequexar al rival, cosa que consiguieron, con Segovia y Borreguero mandando en centru del campu. Sicasí, el gol nun llegó hasta seis minutos del final, que'l "galleguín" Pablo Álvarez marcó a pase d'Ismael. El puntu negativu pal Sporting ye que en cuatro partíos, Dorado yá carga con cuatro marielles, y bien podría ser baxa contra'l Córdoba. El partíu va ser el domingu 28 a les 17 hores, tresmitíu per Localia TV