Recordando l'ochobre del 34 con música

Esti sábadu día 11 en Xixón va haber un
conciertu que quier ser una forma de recordar la revolución d'ochobre de
1934 n'Asturies.



El conciertu entamalu Izquierda Xunida- Bloque por Asturies dientro d'una riestra
d'actividaes pa recordar esti fechu de la historia d'Asturies. Tres bandes van
actuar a partir de les 20:00 na Feria de muestres de Xixón,
"OI! N'AST" banda moza que ca
vegada va garrando más tables a base de conciertos per Asturies y fuera
d'ella, un apueste seriu d'un grupu de música n'asturianu.
"Dixebra",
que yá tien toles tables del mundu feches, pero nun baxa la guardia y
sigue dando un bon espectáculu enriba del escenariu. Como invitaos
foriatos vamos tener a "Banda
Bassotti", mítica banda de rock italiana con un claru
compromisu políticu nes sos lletres. "Banda Bassotti" da los
sos primeros pasos na Roma de 1981, cuando un grupu d'amigos crean unos
colectivos en solidaridá con varies causes como la palestina o la
nicaragüense. A partir d'estos colectivos naz la banda de rock que va dir
adulces medrando, dando conciertos per toa Italia hasta que pieguen el saltu al
estranxeru. "La Banda" visita a lo llargo'l tiempu l'estáu
español, sobre too a Euskadi onde tienen muncha rellación col
grupu llideráu por Fermín
Muguruza "Negu Gorriak".



Les entraes viéndense en locales Xixón, Uviéu,
Avilés, Morea..etc, de forma anticipada a 10 euros, tamién van
poder mercáse na entrada'l día del conciertu a 12 euros.