Reblagu del paru n'ochobre

Asturies rexistró nel més d'ochobre 2.766 paraos nuevos nes oficines del INEM. La xuba d'esti mes d'ochobre, que porcentualmente ye del 4,57%, ye la tercera más alta del estáu tres les de les Baleares y Cantabria y mui penriba de la media estatal, que foi del 3,67%. Con esta xuba, la llista de demandantes d'emplegu enxerta yá a 53.450 persones. Por sectores, elñ paru xubió en 37 persones n'agricultura, 174 n'industria, 317 na construcción y 2.066 nel sector servicios, que ye'l protagoniza esta xuba que dexa a la comunidá con una tasa de paru del 12,1%, la segunda más alta del estáu tres d'Estremadura, qu'anda raspiando'l 13% de paru. Si el datu parcial del mes ye enforma malu, la interanual confirma que'l mercáu llaboral conoció meyores meses d'ochobre, y ye que l'ochobre del 2003 rexistró 1.727 paraos más que'l del 2.002, un 3,34% más.