Selmana de les Lletres Asturianes

Pumares afirma que "VOX siempre nos va tener enfrente n'impidir l'usu del asturianu"

|
Adrián Pumares videu usu asturianu Xunta Xeneral

"Nun ye un problema de comprensión, ye intolerancia", asegura'l diputáu de Foro nun videu frente a la Xunta Xeneral.

Adrián Pumares fixo unes declaraciones ayeri en defensa del usu del asturianu na Xunta Xeneral, tema que se tratara na Xunta de Voceros, y criticó a VOX pola so postura caltenida al respeuto. "Nunca hebo nengún problema a la hora d'utilizar la llingua asturiana nel Parllamentu asturianu hasta que llegó VOX. Nesa intolerancia, nesi impedir l'usu de la llingua asturiana nel Parllamentu, VOX, y lo quiero dexar mui nidio, siempre nos va tener enfrente", afirma.

"Perdió esi recursu énte'l Constitucional y trata d'impedir o llendar l'usu de la llingua asturiana na Xunta Xeneral per aciu otres estratexes, otros comportamientos que son intolerables dafechu. Nun ye un problema de compresión, ye un problema d'intolerancia y nesi sen VOX siempre nos va tener enfrente", insistió'l secretariu xeneral de Foro.

Contador Estadistiques