Prinden al Villanu en "El Bebercio"

Poco dempués de la catástrofe del 11 de setiembre del 2.001, una mano anónima espardió pela internet y per otros foros la primer edición d'un nuevu mediu de comunicación que nun tenía namás que portada, anque bien ye verdá que nun precisaba de más conteníos.... taba cabante de ñacer "El Bebercio" una publicación aperiódica dafechu que contaba, con tolos detalles, como un grupu d'ultres del Real Uviéu esfarraplare la Torre de Bankunión de Xixón estrapayando contra l'edificiu l'helicópteru del CEISPA. El responsable del crime yera un desconocíu "Ho Xuanma Pin Lladen" y el presidente carbayón Euxeniu Prieto llamaba a la "guerra fata".....

Dos años depués, el prindamientu del ex-dictador iraquín Saddam Hussein poles tropes americanes centra tola atención de la prensa internacional y tamién la de "El Bebercio" que pon güei un nuevu númberu estra en qu'esplica como militantes del PAS prindaron a "El Villanu" personaxe de la política asturiana d'estraña semeyanza col líder iraquín. En faldón de propaganda, la portada de "El Bebercio" avisa de la estrena de la posstrer entrega de "El señor de los aniellos" con Ovidio Sánchez en papel protagonista.....Mirái p'acá