Principáu y sindicatos agrarios piden consensu énte la PAC

La Conseyera de Mediu Rural y Pesca, Servanda García y los sindicatos agrarios dieron ayeri anuncia de la so intención de roblar un alcuerdu que permita enfrentar con un mínimu de consensu la reforma de la Política Agraria Común (PAC), sobre la que van facer una campaña informativa que va constar de conferencies informatives y na que van repartise 30.000 trípticos con información básico sobre la PAC pa sensibilizar a los ganaderos.

La conseyera esplicó na presentación de la campaña conxunta que la entrada en vigor de la PAC reformada entovía ta pendiente de que se decida la fecha de entrada en vigor y les formes d'implantación de la mesma. Según la responsable d'agricultura, la entrada de la PAC nueva va traer cambeos nes ayudes directes a los ganaderos pol ganao y pa los titulares de cuota llechera, anque'l noyu de la PAC reformada va tar na vinculación directa o non de les ayudes a la producción. Servanda García yá dixere nuna comparecencia'l mes pasáu na Xunta Xeneral que los reglamentos finales de la PAC xeneraron "una gran decepción" de la qu'ella tamién participaba. la conseyera esplicó d'aquella que la PAC tien aspectos enforma negativos p'Asturies porque la PAC "nun propón un modelu d'agricultura basáu en criterios de multifuncionalidá". Servanda garcía denunció que nel procesu de redacción de la PAC hubo una "dependencia total de la Organización Mundial de Comerciu" y que se tuvieron en cuenta "más los modelos competitivos que los demáspapeles que desarrolla l'agricultura desarrolla nel territoriu". Servanda García esplicó que les consecuencies más graves de la PAC pal campu asturianu van notase na cayida del preciu que perciben los productores pol lleche

Los sindicatos del campu asturianu, sobremanera COAG, criticaron muncho'l testu de la PAC nueva, qu'interpreten como un instrumentu pa desmantelar el sector dañando la calidá de la producción.