Primer vocabulariu de la fala del Navia-Eo

La Secretaría pal Navia-Eo de l'Academia de la Llingua presentó la otra selmana'l primer vocabulariu temáticu ilustráu de la fala del Navia-Eo, entituláu "El meu primeiro vocabulario na fala". Esta obra, que se dirixe a los estudiantes d'enseñanza primaria, tuvo al cargu de Xosé Miguel Suárez Fernández na preparación de los testos y del pallabreru, que tien más de 500 entraes, y cuenta con ilustraciones del dibuxante Enrique Carballeira. La primer edición foi de 1.000 exemplares, que van ser una ferramienta d'enseñanza imprescindible nes escueles onde s'imparte l'asignatura de Gallego-asturiano, en cuantes qu'hasta agora nun había llibru dengún que cumpliere les funciones de diccionariu pa rapacinos específicu del Navia-Eo.