Primer trunfu de Ricardo Valdés

El mierense Ricardo Valdés consiguió'l primer trunfu d'un ciclista de casa na Vuelta a Asturies. Valdés cuayó una escapada de más de 160 kilómetros, na etapa Xixón-Avilés. El de Mieres atacó nes ramples del Altu La Madera y el pelotón, que pensaba más na etapa de güei nel Altu l'Acebu, dexolu marchar ensin mayor aquello. Pedro Lopes (La Pecol) y el vascu Koldo Gil salieron tres d'elli en pasando Uviéu, pero pa entós Valdés sacába-y al pelotón más de 14 minutos. Pa cuando esconsoñó'l pelotón faltaben 85 kilómetros pa la meta y quedaba xubir l'altu del Pravianu, cabera estorbisa nel camín d'Avilés, onde llegó l'asturianu ente los aplausos del públicu con entovía 1,26 sobre'l pelotón. Esti ye'l primer trunfu profesional de Valdés, qu'amás de ganar en casa confirma con ello la recuperación depués de 8 meses de baxa a cuenta de que rompiere una pierna na Vuelta a España . El corredor tien una páxina web gracies a la peña de seguidores que tien en Cenera (Mieres). Equí pues ver los resultaos y clasisficaciones