Preséntense ventinueve candidatures al XXXIII Premiu al Pueblu Exemplar d'Asturies

|
Santa María del Puertu por Carmen Morán

El 2 de setiembre va conocese al llugar, espaciu paisaxísticu o grupu humanu merecedor de la distinción.

La Fundación Princesa de Asturias anunció güei la llista de candidatos al XXXIII Premiu al Pueblu Exemplar d'Asturies. Son un total de 29 los qu'opten a esti reconocimientu pal que "rescamplara de mou notable na defensa y conservación del so entornu natural, ambiental, del so patrimoniu históricu, cultural o artísticu, n'iniciatives d'impulsu económicu y social o na realización d'obras comunales o otres manifestaciones de solidaridá sobresalientes”.

Los aspirantes en relevar a Santa María del Puertu (Somiedo) como Pueblu Exemplar son Ribeseya; la comunidá vecinal de Villanueva de Santo Adriano; La Trapa, La Vega y El Carme (Llangréu); rexón d'El Ríu Seya; Cofradía de Pescadores Santa Ana (Llanes); comunidá vecinal casina; xente de la villa de Salas; Villoria (Llaviana); Fitoria y Sociedad Festivo-Cultural San Antonio de Fitoria-Villamejil (Uviéu); vecinos d'Arroes (Villaviciosa); Cuaña, un pueblu de biblioteca; Asociación de Vecinos San Jorge de Santurio (Xixón); Posada (Llanes); Pimiango (Ribadeva); Valdesoto (Siero); comunidá vecinal de San Cucao (Llanera); Suarías (El Valle Baju de Peñamellera); Llaviana (Gozón); Mercáu Artesanu y Ecolóxicu; Coviella (Cangues d'Onís); Asociación Vecinal Ríu Fontoria (Piloña); Banduxu (Proaza); Valle del Samuño (Llangréu); Coya (Piloña); Cadavéu (Valdés); Pezós; Sociedad La Montera (Llangréu); Peḷḷuno (Ayer); y Cué (Llanes). El día 2 de setiembre va aconceyar el xuráu encargáu de decidir esti gallardón, que tien un recompensa de 25.000 euros.

Respetu de la toponimia

Esti gallardón, que tien les bases espublizaes n'asturianu, gallego-asturiano y castellanu, respeta la toponimia tradicional, única oficial. Asina, la forma emplegada nel llistáu pa les poblaciones ye únicamente l'asturiana.

Na imaxe, Santa María del Puertu. Semeya obra de Carmen Morán baxo llicencia CC BY 4.0.

Contador Estadistiques