Preséntase'l comic que narra la xira de Felpeyu per Líbano

|
Seltegu, de Ruma Barbero

Seltegu, de Ruma Barbero, tuvo'l Premiu Alfonso Iglesias de Cómic.

Esti xueves 24 de marzu a les 19.00 hores va presentase Seltegu na Biblioteca Ramón Pérez de Ayala d’Uviéu. L'actu va tar dirixíu pol escritor Chechu García y ta dientro del ciclu ‘Uviéu Abierto’ entamáu por Política Llingüística. La obra plasma les vivencies de la xira que nel 2005 llevó al grupu de folk Felpeyu per Líbano, amás d'impresiones sobre la historia y cultura del país.

Seltegu ganó’l XI Premiu Alfonso Iglesias de cómic en llingua asturiana que convoca la Conseyería de Cultura. Esta novela gráfica de 135 páxines, empieza cola invitación de la embaxada española de Líbanu al grupu Felpeyu -del que Ruma Barbero yera componente- pa dar un conciertu dientro d'un festival que festexaba los 15 años de paz nel país. El cartel col que los reciben nel aeropuertu, “Seltegu”, va dar títulu a esti llibru. Tando ellí, cancelen el festival por mor d’un atentáu pero’l el grupu de folk asturianu sigue de xira faciendo’l resto d'actuaciones previstes en centros culturales, atopándose a personaxes de carauteres estremaos nel so viaxe.

Ruma Barbero ye un artista xixonés, qu’amás de dibuxante y guionista de cómic, ye músicu de percusión y lletrista. Como escritor cunta con premios como’l Alfonso Iglesias que yá algamara en 2009 y 2015, y el Premiu Tertulia Malory meyor llibru en llingua asturiana de 2013.

Contador Estadistiques