Preséntase nel CSA La Semiente la torna de '1984' de George Orwell

|
Rafael Rodríguez Valdés, Xesús González Rato y Esther Prieto presentando '1984' en Trabe

L'actu en L'Entregu va poder siguise en llinia.

Xesús Gonzalez Rato, traductor de '1984' al asturianu, y Rafael Rodríguez Valdés, direutor de la coleición 'Calume' d'Ediciones Trabe, qu'amás d'esta obra tamién traxo al nuesu idioma 'La naranxa mecánica' d'Anthony Burgess, con torna de José Luis Piquero, van acudir al Centru Social Autoxestionáu La Semiente pa falar d'esta obra de George Orwell. Ésta vio la lluz n'avientu del 2019 con una gran repercusión, abriendo esti proyeutu que busca tornar títulos d'otres lliteratures a la llingua asturiana d'una manera planificada.

P'acudir a esti eventu, que va tener llugar mañana a les 19 hores, nun fai falta acutar sitiu, cola intención d'afayar l'espaciu a la xente presente cumpliendo con toles midíes de seguranza énte la COVID-19. Fuera de L'Entregu tamién se va poder siguir la presentación en direuto al traviés de la páxina de Facebook de La Semiente.

Na semeya, Rodríguez Valdés, González Rato y Esther Prieto, de Trabe, na presentación de '1984' na llibrería de la editorial uvieína.

Contador Estadistiques